مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـافــــي
سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي
وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي
أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافــي
أمـانـتـك خـلـها مـابـيـنـك وبـيـنـي
خـابـرك يـالـدرب خـــــوة عـمــر وسـنــافــي
مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي
أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي
وحـيـد والـلـيـل بـردونـه يـغـطـيـنـي
تـقـول كـن الـبـــــــــلد روح بـهـا الـســافــي
إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي
قـمـت أتـلـفـت وأنـادي لاتـخـلـيـنـي
مـاغـيـره الـصـوت.. هـذا صـوتـه الـدافــي
ولـمـحـت زولـه مـن أقـصـى الـدرب لافـيـنـي
مـدري وش أقـول لـكـن حـي هـا الـلافـــــي
تـعـال .. شـف غـيـبـتـك كـيـف أثـرت فـيـنـي
تـعـال شـفـنـي وأنـا أغـرق عـقـب مـجـدافـي
تـعـال خـذنـي ورحـبـي مـن عـنـاويـنـي
تـعـبـت أعـدي عـلى جـمـرك وأنـا حـافــي
تـعـال وإقـطـف بـصـوتـك زهـرة سـنـيـنـي
كـل الـمـواعـيـد عـقـبـك شـمـعـهـا طـافــي
تـعـال وإزرع خـصـل شـعـرك بـكـفـيـنـي
بـضـمـهـا لـيـن أحـس بـلـيـلـك الـظـافـــي
تـعـال وش فـيـكـ خـايـف ؟ أنـت نـاسـيـنـي
قـطـعـت صـوتـي عـلـيـك وطـال مـيـقـافـي
حـتـى بـديــت أشـعـر إن الـحـب مـعـمـيـنـي
وإن أنـت حـلـم عـثـى فـيـنـي وأنـا غـافـي
لـكـن أمـانـه تـرى الـلـي فـيِ كـافـيـنـي
إن رحـت مـنـك كـذا مـارحـت مـتـعـافـي
بـصـدق الـحـلم وأحـذر لا تـصـحـيـنـي
فـي خـاطـري كـلمـتـيـن وإن قـلـتـهـا كـافـي
أمـانـة الـلـه عـلـيـك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي
مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي
الجمعة نوفمبر 30, 2007 10:13 pm
