دعوى التبرج في جميـع المياديـن
فكرة غريبة وش بغوا مـن وراهـا
وش رايكم بعرض لكم فكـر ثنتيـن
الكـل منهـم ماشيـة فـي هواهـا
الأولـه تتبـع طريـق الشياطيـن
تلبس على الموضة وتتبـع خطاهـا
لبس (ن) قصير ما سترها وهو شين
ضيق ونصفه فتحة(ن) من وراهـا
وعلى الصدر تلبس بدي فيه سيرين
والصدر كله طالـع(ن) يـا عراهـا
والشعر قصاتـه غريبـة ولونيـن
أشكالهم عجبـة وكـل (ن) يراهـا
ولو اصبغوه أبيض ترى حيل حلوين
اللـوك والموضـة معاهـا معاهـا
وتلبس عباة(ن) تغضب الرب والدين
على الكتوف وكل زيـن(ن) كساهـا
فيها من اللولو والأحجـار شكليـن
ومخصرة والجسم واضـح وراهـا
متلثمة والعيـن يـا شايـف العيـن
مرسومة بالكحـل الأسـود زهاهـا
ولا الحواجب فوقهـا مثـل خطيـن
متنمصـة مـا همهـا وش جزاهـا
والثانيـة تحـب لبـس الأنيقـيـن
وتختار ملبـوس الستـر ويغشاهـا
تاخذ من الموضة جميـل الفساتيـن
وتعرف فنون اللبس وش محتواهـا
تختار ما يستر جسدها وهـو زيـن
لبس الحشيمة زادهـا فـي حلاهـا
وحجابهـا كامـل تغـم العـدويـن
اللـي دعوهـا للتـبـرج عـداهـا
أهـل الفسـاد الحاقديـن الخبيثيـن
كـم زينـوا للبنـت تنـزع حياهـا
يدعون للتحرير والشك فـي الديـن
ودعوى التبـرج عارفيـن مداهـا
حسبي عليهم يا عرب قولوا آميـن
مضمـون فكرتهـم عظيـم بلاهـا